பிரிவது சுலபமா

பிரிவது சுலபமா? இருக்கலாம்
மனசாட்சியற்ற மூடர்களுக்கு..!
நானும் ஒரு மூடன் தான் அவ்வழியில்

பாசத்தை பணயமாக்கி
மனத்தை பிணமாக்கி
வாழும் ஒரு அயல்நாட்டு மூடன்

பணமே வாழ்க்கையா? வாழ்க்கையே பணமா?
தெரியவில்லை விடயம் - இன்னும் எனக்கு?

கற்றதோ கணிப்பொறி பொறியியல் - மரியதையாம்
அயல்நாட்டில் வேலை பார்த்தால் மட்டுமே
சும்மா இருந்த சங்கை ஊதி - கெடுத்தர்கள்
உறவினர்கள் எனும் மாமேதைகள்
என்னை இல்லை - எனது
பெற்றோர்களின் மனத்தை

வாழ்க்கையில் நமது பெரிய கடன் - பெற்றோர்களின்
ஆசையை முடிந்த அளவு நிறைவு செய்வது
நானும் முயன்றேன்
அடைந்தேன் லட்சியத்தை
செல்ல வேண்டிய நாள் வந்தது - அயல் நாட்டு பணிக்கு

எல்லாமே புதுசு
பேசும் பாசை உண்ணும் உணவு,
உடுக்கும் உடை - ஆண்களுக்கு அல்ல

கண்டேன் பல நமீதாக்களை நடு தெருவில்
கண்டேன் கலாசாரத்தை - கொஞ்சம் மகிழ்ச்சி, கொஞ்சம் பயம்

முடியாது கொண்டாட உன் பொங்க லை
முடியாது கொண்டாட உன் தீபாவளி யை
முடியாது நினைத்தவுடன் தொடர்பு கொள்ள
முடியாது அழகிய தமிழில் பேச
இருக்காது பிடித்த உணவு
இருக்காது சண்டை போட - உன் நண்பர்கள்
இருக்காது பார்க்க பிடித்த திரைப்படம்

சொல்லவில்லை அந்த மாமேதைகள்
ஒரு வேளை சொல்லி இருந்தால்
என்ன வளம் இல்லை, இந்த திருநாட்டில் - ஏன்
கையை ஏந்த வேண்டும் அயல்நாட்டில்
என்ற வரிகளுக்கு உயிர் கொடுத்திருப்பேன்